Sébastien Kessler è partenari da fundaziun da la firma da cussegliaziun per la concepziun senza barrieras id-Geo Sàrl, sco er furmatur certifitgà da persunas creschidas. Avant ha el lavurà durant passa dus decennis en la direcziun generala da l'Ospital universitar dal chantun Vad (CHUV).

Cun ina scolaziun sco fisicher, cumplettada pli tard cun in studi supplementar ad in diplom sco econom da sanadad a Québec,  s'engascha el en la politica ed en instituziuns. A l'entschatta sco cusseglier communal en la citad da Losanna, lura è el vegnì elegì il 2023 en il Cussegl grond dal chantun Vad ed è stà en domadus  cussegls l'emprim parlamentari en sutga cun rodas. Sco activist durant blers onns è el commember da la suprastanza da l'organisaziun tetgala naziunala Inclusion Handicap cun sedia a Berna. Cun ses differents mandats ed engaschaments sa mova el en munds fitg differents e promova uschia in dialog tranter quels: en il sectur public, en l'economia privata, en la scienza ed en la societad civila. En tut quests differents secturs s'engascha el da maniera activa per reducir la discriminaziun, per meglierar l'inclusiun e per in egualitad effectiva.

Linguas: franzos, englais, tudestg e spagnol.